*নাগরি বর্ণ* ______এইচ.এম আলমগীর

খইরে ভাই সিলেটি হখল
অবায় দিয়া আও ,
নাগরি বর্ণ না ছিনলে
এখটু ফিরিয়া ছাও ।

নাগরি অইল সম্পদ আমরার
সিলেট ভাষার বর্ণ,
ইতিহাসে খুঁজিয়া ফাওয়া
আমরার হীরা , স্বর্ন ।

আমরার লাখান ভাগ্যবান
খেউনি আছে ভাই ,
ঐতিহ্য আর ইতিহাসে সমৃদ্ধ
তুলনা তার নাই ।

নিজর বর্ণ যদি না ছিনি ভাই
শরম রাখতাম খই ,
এল্লাগি আউক্কা ফড়ি হখলে
নাগরি বর্ণের বই ।

নাগরি বর্ণে লেখমু ফড়মু
বানাইমুযে গান ,
সিলেটি ভাষায় খইলে খতা
জুড়ায় আমরার প্রাণ ।

নাগরি বর্ণে সিলেটি ভাষা
নাই তুলনা তার ,
এই ভাষা আর হিরক বর্ণ
সম্পদযে আমরার ।

বর্ণ আছে ভাষা আছে
শুধু স্বীকৃতিটা নাই ,
আউক্কারে ভাই সব সিলেটি
নাগরি বর্ণের স্বীকৃতিটা ছাই ।